فرمان الہی
نماز کے اوقات
کراچی ( اسٹاف رپورٹر)پاکستانی افواج کا شمار دنیا کی بہترین افواج میں ہوتا ہے۔ہمیں انکی شاندار جنگی صلاحیتوں پر ناز ہے۔ ان خیالات کا اظہاروفاقی اردو یونیورسٹی کے شیخ الجامعہ ڈاکٹر ایس الطاف حسین نے جامعہ اردو کے تحت ’’پاکستان کی تینوں مسلح افواج سے اظہار یکجہتی‘‘کیلئے نکالی جانے والی ریلی سے خطاب کرتے ہوئے کیا۔انہوں نے کہا کہ پاکستانی قوم بھارت کے مذموم عزائم کیخلاف پاک فوج کے شانہ بشانہ کھڑے ہیں۔ ریلی میں رجسٹرار ڈاکٹر محمد صارم، پروفیسر ڈاکٹر محمد زاہد، پروفیسر ڈاکٹر روبینہ مشتاق،ڈاکٹر گوہر علی ،ڈاکٹر فرحان شفیق،ڈاکٹر سید اخلاق حسین،محمد عدنان اختر، سیددانش علی، اساتذہ، غیرتدریسی ملازمین اور طلباء و طالبات کی بڑی تعداد نے شرکت کی۔
