• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شریف خاندان بیماری پر سیاست کررہا ہے، اعتزاز احسن

آج کا اخبار
اہم خبریں
12 مارچ ، 2019
کراچی (ٹی وی رپورٹ)پیپلزپارٹی کے رہنما چوہدری اعتزاز احسن نے ایک انٹر ویو میں کہاہے کہ نواز شریف چاہتے ہیں کہ وہ بیرون ملک چلے جائیں وہ اب مجرم ہیں پہلے بھی نواز شریف معاہدہ کرکے باہر چلے گئے تھے۔نواز شریف اگر لندن گئے تو 3مفروران کا استقبال کریں گے۔ شریف خاندان نواز شریف کی بیماری پر سیاست کررہا ہے۔ ن لیگ نے آصف زرداری پر تشدد کرایا تھا بلاول بھٹو نے بڑے دل کا مظاہرہ کیااور نواز شریف کی عیادت کرنے گئے۔ بلاول بھٹو میاں صاحب سے مل کر آئے ہیں ان کو نواز شریف کی صحت کا بہتر معلوم ہوگا ن لیگ کو نواز شریف کی بیماری پر زیادہ شور نہیں مچانا چاہیے۔ ایک سوال کے جواب میں انھوں نے کہا کہ نواز شریف پہلے آصف زرداری سے ملنے میں ہچکچاہٹ کا شکار تھے۔ ماضی میں نواز شریف آصف زرداری کے خلاف کالا کوٹ پہن کر عدالت پہنچ گئے۔
تازہ ترین