• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ن لیگ امتحانات سے پہلے بھی گزر چکی ہے،حمزہ شہباز

میرا شہر
لاہور
31 مارچ ، 2019
لاہور(جنرل رپورٹر) قائد حزب اختلاف پنجاب اسمبلی حمزہ شہباز نے پاکستان مسلم لیگ (ن) کے جیل میں قید خواجہ سعد رفیق، خواجہ سلمان رفیق، حنیف عباسی اور حافظ میاں نعمان سے کیمپ جیل جا کر ملاقات کی اورلیگی رہنمائوں کے حوصلے، پارٹی کے ساتھ وابستگی کے جذبے اور قربانی کو سراہا۔ حمزہ شہباز نے کہا کہ مسلم لیگ (ن) ایسے امتحانات سے پہلے بھی گزر چکی ہے۔ انشاءاللہ موجودہ مشکل دور سے بھی سرخرو ہوکر نکلیں گے ۔پارٹی، کارکنوں اور عوام کو آپ کے عزم وحوصلے پر فخر ہے۔ حمزہ شہباز نے کہا کہ اللہ تعالی نے ہر مشکل کے بعد آسانی رکھی ہے ۔آپ ایک نئی تاریخ لکھ رہے ہیں۔ قوم اور پارٹی آپ کی قربانیوں کو فراموش نہیں کرسکتے ۔آپ کے جذبے پارٹی اور کارکنان کے لئے حوصلے اور ولولے کا باعث ہیں۔قید رہنمائوں نے حمزہ شہبازکا شکریہ ادا کیااور سابق وزیراعظم نوازشریف کی صحت کے متعلق بھی دریافت کیاانہوں نے کہا کہ حق و سچ کے لئے قید کاٹنا باعث فخر ہے جس کا ثمر قوم کو ملے گا۔  
تازہ ترین