• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی کے مختلف علاقوں میںدو افراد قتل، ایک ٹریفک حادثے میں چل بسا

میرا شہر
اسلام آباد
03 اپریل ، 2019
راولپنڈی (سٹاف رپورٹر)راولپنڈی کے مختلف علاقوں میں تین افرادجان کی بازی ہارگئے۔تھانہ چونترہ کے علاقہ میں چچانے معمولی جھگڑے پربھتیجے کوموت کے گھاٹ اتاردیا۔محمدریاض سکنہ میانہ موہڑہ نے پولیس کوبتایاکہ یکم اپریل کو دن 10بجے میری بیوی یاسمین اخترکااپنی بہوکے ساتھ جھگڑاہوامیں اورمیرے بیٹوں محمدبلال احمداورقاسم علی نے معاملہ رفع دفع کرانے کی کوشش کی اتنے میں میرابھائی محمدرزاق بھی آگیا، اسی دوران بلال کی اپنے چچامحمدرزاق کے ساتھ تلخ کلامی ہوگئی جس پرمحمدرزاق نے پسٹل سے سیدھافائر بلال پرکیاجو زخمی ہو کر ہسپتال میں دم توڑگیا۔تھانہ رتہ امرال کے علاقہ ڈھوک رتہ میں 4روزقبل اندھی گولی لگنے سے زخمی ہونے والا حساس ادارے کاملازم دم توڑگیا شہزادحبیب 30مارچ کی رات سرمیں فائرلگنے سے زخمی ہوگیاتھا ۔تھانہ روات کے علاقہ میں ریڈیوسٹیشن کے قریب ٹریفک حادثہ میں ایک شخص جاں بحق اورایک زخمی ہوگیا۔ ریسکیو 1122کے مطابق اوورسپیڈکی وجہ سے ٹرک الٹ گیاجس کے نیچے آکر50سالہ محمدفیاض جاں بحق جب کہ 45سالہ نامعلوم شخص شدیدزخمی ہوگیا۔
تازہ ترین