-
فرمان الہی
-
نماز کے اوقات
- جمعرات30؍شوال المکرم 1445ھ 9؍مئی 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
قومی احتساب بیورو (نیب) نے قومی اسمبلی میں قائد حزب اختلاف اور مسلم لیگ نون کے صدر میاں شہبازشریف کی لاہور میں رہائشگاہ 96 ایچ پر چھاپہ مارا ہے۔
مسلم لیگ نون پنجاب کے ترجمان ملک محمد احمد کے مطابق نیب والے بغیر وارنٹ میاں شہباز شریف کے گھر کی تلاشی لینے کے لیے آ گئے۔
جب ملک محمد احمد سے پوچھا گیا کہ کیا نیب حکام حمزہ شہباز کو گرفتار کرنے آئے ہیں؟تو اس پر انہوں نے جواب دیا کہ مجھے اس کا علم نہیں۔
نیب کی 6 سے 7 افراد پر مشتمل ٹیم نے میاں شہباز شریف کے گھر پر چھاپہ مارا ہے۔
جیو نیوز لاہورکے بیورو چیف رئیس انصاری کے مطابق نیب حکام کا کہنا ہے کہ حمزہ شہباز سے متعلق کچھ دستاویز کی چھان بین کے سلسلے میں یہ چھاپہ مارا گیا ہے۔
انہوں نے بتایا کہ اس سوال پر کہ کیا حمزہ شہباز کو گرفتار کرنے کا امکان ہے نیب حکام نے اس بات کے جواب میں نہ ہی اس کی تصدیق کی اور نہ ہی تردید کی۔
رئیس انصاری نے یہ بھی بتایا کہ یہ رہائش گاہ میاں شہباز شریف اور ان کے صاحبزادے سلمان شہباز کی ہے، یہاں حمزہ شہباز نہیں رہتے البتہ چھاپے کے وقت گھر میں میاں شہباز شریف اور ان کے صاحبزادے حمزہ شہباز موجود تھے۔
دوسری جانب نیب ذرائع کا کہنا ہے کہ مسلم لیگ نون کے رہنما اور میاں شہباز شریف کے صاحبزادے حمزہ شہباز کو حراست میں لینے کیلئے یہ چھاپہ مارا گیا ہے۔
نیب ذرائع کا مزید کہنا ہے کہ حمزہ شہباز کے خلاف آمدن سے زائد اثاثہ جات کے خلاف چھاپہ مارا گیا ہے۔
نیب ذرائع نے یہ بھی کہا کہ حمزہ شہباز اور نیب کی ٹیم کے درمیان الزامات پر گفتگو جاری ہے۔
