لاہور(آئی این پی) پیپلزپارٹی کے سینیٹر چوہدری اعتزاز احسن نے کہا ہے کہ مصطفی کمال نے ایم کیوایم کو ’’نانی ‘‘یاد کروادی ہے ‘ایم کیوایم کو سڑکوں کی نہیں اپنے اندر کی ’’صفائی ‘‘کر نی چاہیے ‘ایم کیوایم کی قیادت کو8سال تک کراچی میں کچرا کیوں نظر نہیں آیا ؟۔ جمعرات کو میڈیا سے گفتگو میں پیپلزپارٹی کے سینیٹر چوہدری اعتزاز احسن نے کہا ہے کہ ایم کیوایم نے کراچی میں جو کچھ کیا ہے وہ سب کے سامنے ہیں مگر انکو پتہ ہونا چاہیے کہ طاقت سے کسی کی آواز کو نہیں دبایا جا سکتا اس لیے اب لوگ ایم کیوایم کو چھوڑ کر مصطفی کمال کا ساتھ دے رہے ہیں۔ انہوں نے کہا کہ مصطفی کمال نے جس انداز میں انٹری دی اور لوگ اب اسکا ساتھ دے رہے ہیں اس سے مصطفی کمال نے ایم کیوایم کو نانی یاد کروادی ہے۔ انہوں نے کہا کہ ایم کیوایم آج صفائی کی باتیں کر رہی ہے انکو مصطفی کمال کے آنے سے 8سال پہلے کچرا کیوں نظر نہیں آیا اب انکو بہت کر نے ہو گا لیکن ایم کیوایم پرمشکل وقت آچکا ہے۔
فرمان الہی
نماز کے اوقات
