• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رحیم یار خان: وین اور ٹریکٹر ٹرالی میں ٹکر، 10 افراد زخمی

تازہ ترین
متفرق
18 اپریل ، 2019
رحیم یار خان: وین اور ٹریکٹر ٹرالی میں ٹکر، 10 افراد زخمی

پنجاب کے ضلع رحیم یار خان میں فیروزہ روڈ پر تیز رفتار وین اور ٹریکٹر ٹرالی میں ٹکر سے خواتین اور بچوں سمیت 10 افراد زخمی ہو گئے، حادثے کا شکار خاندان شادی کی تقریب سے گھر لوٹ رہا تھا۔

ریسکیو ذرائع کےمطابق حادثہ اُس وقت پیش آیا جب رات کے اندھیرے میں فیروزہ روڈ پر ٹریکٹر ٹرالی کا ڈرائیور احتیاطی تدابیر کی بغیر ٹریکٹر ٹرالی کا ٹائر تبدیل کر رہا تھا۔

اس دوران تیز رفتار وین ٹریکٹر ٹرالی سے ٹکرا گئی، وین میں ایک ہی خاندان سے تعلق رکھنے والے کئی افراد سوار تھے۔

حادثے کے نتیجے میں بچوں اور خواتین سمیت 10 افراد زخمی ہوگئے، جنہیں تحصیل اسپتال خانپور اور شیخ زید اسپتال منتقل کیا گیا ہے۔

متاثرہ خاندان شادی کی تقریب میں شرکت کے بعد لیاقت پور گھر جا رہا تھا کہ حادثے کا شکار ہو گیا۔

ٹریکٹر ڈرائیور جائے حادثہ سے فرار ہو گیا ہے۔

تازہ ترین