آپ آف لائن ہیں
ہفتہ14؍شوال المکرم 1441ھ6؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پانڈیا اور راہول پر 20،20 لاکھ روپے جرمانہ

بھارتی کرکٹ بورڈ نے خواتین کے بارے نازیبا کلمات ادا کرنے پر آل راؤنڈر ہاردک پانڈیا اور اوپنر کے ایل راہول پر 20، 20 لاکھ روپے جرمانہ عائد کیا ہے۔


بھارتی کرکٹ بورڈ نے دونوں کھلاڑیوں کو ہدایت کی ہے کہ وہ پیراملٹری فورسز کے 10 کانسٹبلز کی بیواؤں کو ایک، ایک لاکھ روپے  ادا کریں جبکہ 10، 10 لاکھ روپے ملک میں بلائنڈ کرکٹ کے فروغ کے لئے قائم فنڈ میں جمع کرائیں۔

بورڈ کا مزید کہنا ہے کہ اگر ان کھلاڑیوں دی گئی چار ہفتوں کے مہلت کے دوران رقم جمع نہ کرائی تو ان کی میچ فیس سے رقم کی کٹوتی کرلی جائے گی۔

واضح رہے کہ دونوں کرکٹرز نے ٹی وی شو ’کافی ود کرن‘ مہمان کی حیثیت سے شرکت کے دوران خواتین کے خلاف نازیبا کلمات کہے تھے جس پر انہیں شدید تنقید کا سامنا کرنا پڑا تھا۔

بھارتی کرکٹ بورڈ نے دونوں کرکٹرز کو معطل کردیا تھا جبکہ اُنہیں آسٹریلیا کے دورے کے لئے ٹیم کا حصہ بھی نہیں بنایا تھا۔

کھیلوں کی خبریں سے مزید
خاص رپورٹ سے مزید