نواز شریف نے کل عدالت حاضری سے استثنیٰ مانگ لیا

العزیزیہ ریفرنس میں سزا کے خلاف اپیل کی سماعت پر سابق وزیر اعظم نوازشریف نے کل کے لیے حاضری سے استثنیٰ مانگ لیا۔

سابق وزیر اعظم نواز شریف کے وکلاء نے اسلام آباد ہائیکورٹ میں درخواست دائر کردی، درخواست میں استدعا کی گئی ہے کہ نواز شریف بیماری کے باعث عدالت میں حاضر نہیں ہو سکتے، کل کے لیے نواز شریف کو حاضری سے استثنیٰ دیا جائے۔

ذرائع کے مطابق سزا کے خلاف نواز شریف کی اپیل پر دو رکنی بنچ کل سماعت کرے گا۔

نوازشریف کی نئی میڈیکل رپورٹ بھی اسلام آباد ہائیکورٹ میں جمع کرادی گئی ہے،جس کے مطابق میڈیکل بورڈ نے نوازشریف کو مکمل آرام کی ہدایت کی ہے۔