آپ آف لائن ہیں
جنگ ای پیپر
جمعرات17؍رمضان المبارک 1440ھ 23؍مئی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان اسٹاک ایکسچینج میں فنی خرابی دور کر لی گئی ہے جس کے بعد کاروبار بحال ہو گیا۔

پاکستان اسٹاک ایکسچینج کے اعلامیے کے مطابق فنی خرابی کے باعث کاروبار رک جانے کی وجہ سے کاروبار کا دورانیہ 30 منٹ کے لیے بڑھا دیا گیا ہے۔

اعلامیے میں مزید کہا گیا ہے کہ دورانیہ 30 منٹ بڑھنے کے بعد اسٹاک ایکسچینج میں کاروبار کا اختتام شام 4 بجے ہو گا۔

اعلامیے میں یہ بھی بتایا گیا ہے کہ پاکستان اسٹاک ایکسچینج میں اس وقت کاروبار کےدوران مثبت رجحان ہے، ہنڈریڈ انڈیکس دوسو پوائنٹس اضافے سے 36 ہزار 704 پر ٹریڈ کر رہا ہے۔

اس سے قبل پاکستان اسٹاک ایکس چینج کے ٹریڈنگ سسٹم میں تکنیکی خرابی کے سبب کاروبار اچانک رک گیا تھا جس کی اطلاع پاکستان اسٹاک ایکسچینج کی انتظامیہ کی جانب سے شیئرہولڈرز کو اطلاع دی گئی تھی۔

مذکورہ فنی خرابی کے باعث 25 سے زائد بروکرز کی رسائی ٹریڈنگ سسٹم تک نہیں ہو رہی تھی۔

Chatاپنی رائے سے آگاہ کریں