لاہور: تہرے قتل کے بعد خود کشی، زخمی فرحان کا بیان ریکارڈ

25 اپریل ، 2019

لاہور کے علاقے شفیق آباد میں تہرے قتل کے بعد خود کشی کے واقعے میں زخمی فرحان نے اسپتال میں پولیس کو بیان ریکارڈ کروا دیا ہے ، جس میں اس نے بتایا کہ اس کا بھائی اویس جنونی تھا، میاں بیوی میں علیحدگی ہو چکی تھی۔

پولیس کے مطابق زخمی فرحان نے بیان دیا کہ ملزم اویس کی سابقہ اہلیہ کو دوسرے خاوند سے بھی طلاق ہو چکی تھی ۔ اویس دوبارہ اس سے شادی کرنا چاہتا تھا۔

زخمی فرحان نے بتایا کہ اویس نے فائرنگ کر کے والد ریاض اور 2 بہنوں سدرہ اور مریم کو قتل کر کے خود کشی کر لی ۔ جب یہ واقعہ ہوا وہ نچلی منزل پر تھا۔ گولیوں کی آواز سن کر اوپر گیا تو بھائی نے اس پر بھی گولی چلا دی ۔ بدقسمت خاندان کے تیسرے بیٹے شہزاد کے مطابق گھروالے سابقہ بیوی کیساتھ اویس کی شادی کے مخالف تھے۔

ڈی ایس پی شفیق آباد محمد غیاث کا کہنا ہے کہ ابتدائی تفتیش میں یہی لگتا ہے کہ ملزم نے قتل کرنے کے بعد خودکشی کی۔

پولیس نے تمام لاشیں مردہ خانے بھجوا دی ہیں جنہیں آج پوسٹ مارٹم کے بعد ورثا کے حوالے کیا جائے گا۔

تازہ ترین