’’میشا کیخلاف سوشل میڈیا پر پروپیگنڈا ہو رہا ہے‘‘

28 اپریل ، 2019

میشا شفیع کی وکیل نگہت داد نے علی ظفر کے تمام الزامات اور دعوؤںٕ کو مسترد کر تے ہوئے کہا کہ میشا کے خلاف سوشل میڈیا پر پروپیگنڈا ہو رہا ہے۔

جیو نیوز کے پروگرام نیا پاکستان میں گفتگو کرتے ہوئے میشا شفیع کی وکیل نگہت داد کا کہنا تھا کہ وہ ہر اس اکاؤنٹ کو فالو کرتی ہیں جو لوگ میشا شفیع کو سپورٹ کرتے ہیں۔

انہوں نے کہا کہ اگر کوئی اکاؤنٹ جعلی ہے تو علی ظفر نے اس کے خلاف شکایت کی ہوگی۔

ایک سوال کے جواب میں میشاشفیع کی وکیل کا کہنا تھا کہ عدالت نےاب تک میشاشفیع کو بلایا ہی نہیں تو وہ عدالت کیوں جائیں۔

واضح رہے کہ جنسی ہراسانی کیس کی سماعت کے موقع پر میڈیا سے بات کرتے ہوئے گلوکار علی ظفر نے میشا شفیع سے متعلق کہا تھا کہ وہ انصاف سے بھاگ رہی ہیں اور سوشل میڈیا پر جھوٹی پروفائلز کے پیچھے چھپ رہی ہیں۔

اس موقع پر انہوں نے میشا شفیع اور ان کے وکیلوں سے گزارش بھی کی کہ وہ عدالت آئیں اور مقدمات کا سامنا کریں۔

تازہ ترین