• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیب چلے گا یا معیشت، حکومت ’’چلے گی‘‘ ؟ خدانخواستہ ،آصف زرداری

آج کا اخبار
اہم خبریں
30 اپریل ، 2019
اسلام آباد(خصوصی رپورٹ) سابق صدر آصف علی زرداری نے کہا ہے کہ ملک میں نیب چلے گا یا معیشت لیکن یہ دونوں ایک ساتھ نہیں چل سکتے،لگتا نہیں کہ حکومت 5 سال کی مدت پوری کر پائے گی۔پیر کو اسلام آباد کی احتساب عدالت میں پیشی کے بعد میڈیا سے گفتگو کے دوران ایک صحافی نے سابق صدر سے ملکی معیشت سے متعلق سوال کیا جس پر آصف زرداری نے کہا کہ ملک میں یا نیب چلے گا یا معیشت، دونوں ساتھ نہیں چل سکتے۔ایک صحافی نے سوال کیا کہ کیا حکومت 5 سالہ مدت پوری کرے گی؟ اس پر سابق صدر نے کہا’خدانخواستہ‘ ۔صحافی نے سوال کیا کہ کیا آپ مولانا فضل الرحمان کی حکومت مخالف تحریک میں شامل ہونگے جس پرسابق صدر نے کہا ’انشاءاللہ‘ ۔سابق وزیراعظم نوازشریف کے لندن جانے سے متعلق سوال پر آصف زرداری نے کہا کہ اللہ سب کو صحت دے، اگر میاں صاحب کو ضرورت ہے تو لندن چلے جائیں، وہ اور کہاں جائیں گے۔میڈیا سے گفتگو کے بعد سابق صدر نے صحافیوں سے کہا کہ پھر نہیں کہنا میں بولتا نہیں ہوں۔
تازہ ترین