فرمان الہی
نماز کے اوقات
خیرپورناتھن شاہ(نامہ نگار) دادو میں واقع ہاؤسنگ سوسائٹی میں 35 سالہ نوجوان نوید جمالی نے مشتعل ہوکر فائر کرکے خودکشی کرلی۔ دریں اثنا کاچھو میں واقع جنوں کے بادشاہ کے طور پر مشہور گاجی شاہ کی درگاہ پر گھوٹکی سے زیارت کرنے کیلئے آنے والی خاتون مسمات حسنہ پراسرار طور پر ہلاک ہوگئی۔علاوہ ازیں انڈس ہائی وے پر واقع شہید مخدوم بلاول کے مقام پر دو موٹرسائیکلوں اور گدھا گاڑی کے درمیان تصادم میں قلندر لعل شہباز کے 5 زائرین زین سولنگی،عادل سولنگی،عاقب علی اور دیگر زخمی ہوگئے جبکہ گاؤں نبی بخش کاندھڑو کے مقام پر بخشاپور سے سہون جانے والے زائرین کی کار اچانک ٹائر برسٹ ہوجانے سے الٹ گئی، کار میں سوار پانچ افراد ڈاکٹر پون کمار،احمدعلی شاہ،عمران علی شاہ،محمود شاہ اور پانچ سالہ کمسن لڑکا باقر علی شاہ شدید زخمی ہوگئے۔ رادھن اسٹیشن کے رانگڑ محلہ کے مقام پر مرغ گم ہونے کے معاملہ پر لاشاری اور خاصخیلی برادری کے دو گروہوں کے درمیان تصادم کے نتیجے میں دس افراد زخمی ہوگئے۔
