• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان نے یومِ تاسیس پر کارکنوں کو فردوس عاشق اعوان کا تحفہ دیا ، رانا ثناء اللہ

آج کا اخبار
اہم خبریں
02 مئی ، 2019
  لاہور(نمائندہ جنگ)پاکستان مسلم لیگ (ن) کے مرکزی رہنما ءرانا ثناءاللہ نے کہا ہے کہ عمران خان نے پی ٹی آئی کے کارکنوں کو پارٹی کے یومِ تاسیس پر فردوس عاشق اعوان کا تحفہ دیا ہے ،جمعہ جمعہ آٹھ دن پہلے پی ٹی آئی میں آنے والی خاتون اب پی ٹی آئی کارکنوں کو پیغام دے گی تو یقیناََ ان کے دل باغ باغ ہو جائیں گے ۔ اپنے بیان میں انہوں نے کہا کہ تحریکِ انصاف کے یوم تاسیس پر فردوس باجی کارکنوں کو پیغام دے رہی ہیں تو عمران خان کے ساتھیوں کیلئے گھبرانے کا وقت ہوگیا ہے ۔عمران خان نے جو کئی سال پہلے پودا لگایا اس کو فردوس باجی اور دوسرے لوگ پانی دے رہے ہیں ۔تحریک انصاف کے کارکن جنہوں نے پارٹی کو اپنی زندگیاں دیں آج ان کو فردوس باجی پیغام دے رہی ہیں۔
تازہ ترین