فرمان الہی
نماز کے اوقات
اسلام آباد(آئی این پی ) مسلم لیگ (ن) کے صدر شہباز شریف نے مسلم لیگ (ن) کی تنظیم نو کا اعلان کردیا جس کے شاہد خاقان عباسی کو سینئر نائب صدر اور مریم نواز سمیت 16رہنمائوں کو نائب صدور اور احسن اقبال کو پارٹی کا سیکرٹری جنرل مقرر کر دیاگیا ہے، رانا ثنا اللہ پنجاب کے صدر ،مفتاح اسماعیل کو سندھ کا جنرل سیکرٹری مقرر کر دیا گیا ،13رکنی ایڈوائزری کونسل بھی تشکیل دی گئی ہے ،اسحاق ڈار کو بین الاقومی امور کا صدر مقرر کیا گیا ہے ۔ جمعہ کو پارٹی صدر شہباز شریف کی جانب سے لندن سے جاری نوٹیفکیشن کے مطابق اویس لغاری کو پنجاب میں پارٹی کا جنرل سیکرٹری مقرر کرنے کا فیصلہ بھی کیا گیا ہے جبکہ نائب صدور میں عابد شیرعلی، ایاز صادق ، برجیس طاہر،درشن لال، حمزہ شہباز،خواجہ سعد رفیق ، خرم دستگیر، جاوید لطیف، محمد زبیر، مشاہد اللہ خان، پرویز رشید، نیلسن عظیم، راحیلہ درانی، رانا تنویر اور سردار مہتاب شامل ہیں۔نوٹیفکیشن میں بتایا گیا ہے کہ اسی طرح رانا ثناء اللہ کو پنجاب میں ن لیگ کا صدر بنانے اور مریم اورنگزیب کو پارٹی کی سیکرٹری اطلاعات اور ترجمان مقرر کرنے کا فیصلہ کیا گیا ہے۔نوٹیفکیشن کے مطابق اسحاق ڈار مسلم لیگ ن صدر انٹرنیشنل افیئرز، نورالحسن تنویر جنرل سیکریٹری انٹرنیشنل افیئرز، بلیغ الرحمان اورعطا اللہ تارڑ ڈپٹی سیکریٹری جنرل، بلال اظہر کیانی، فرحان ظفر جھگڑا اور صورت تھیبو کو اسسٹنٹ سیکریٹری جنرل مقررکیا گیا ہے۔عباس آفریدی اور طلال چودھری جوائنٹ سیکریٹری، پرویز ملک سیکرٹری فنانس، طارق فاطمی سیکرٹری پالیسی اینڈ ریسرچ، عائشہ رضا فاروق، سیکرٹری ممبرشپ و ٹریننگ مقرر، مصدق ملک صدر پروفیشنل ونگ، مفتاح اسماعیل جنرل سیکرٹری سندھ اور حنیف عباسی کو پنجاب کے سینئر نائب صدر پنجاب تعینات کیا گیا ہے۔نوٹیفکیشن کے مطابق اسی طرح خواجہ سلمان رفیق نائب صدر پنجاب، راجا قمرالاسلام نائب صدر پنجاب، عظمی بخاری سیکریٹری اطلاعات پنجاب، سلمان علی خان مسلم لیگ ن کراچی کے صدراور نصیر الدین محمود کو ن لیگ کراچی کا سیکریٹری جنرل مقرر کر دیا گیا ہے۔واضح رہے گزشتہ روز مسلم لیگ ن کی پارلیمانی پارٹی نے رانا تنویر کو پبلک اکائونٹس کمیٹی (پی اے سی) کا چیئرمین اور خواجہ آصف کو پارلیمانی رہنما مقرر کرنے کی منظوری دی تھی۔اکنامک ایڈوائزری کونسل میں محمد شہبا زشریف ،شاہد خاقان عباسی ، محمد اسحاق ڈار ، احسن اقبال ،خواجہ محمد آصف ، قیصر شیخ احمد ، محمد زبیر، مفتاح اسماعیل ، عائشہ غوث پاشا، مشاہد حسین سید ،مصدق ملک ،علی پرویز ملک ، بلال اظہر کیانی شامل ہیں ۔
