• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میڈرڈ اوپن ٹینس، سٹیفانوس اور دار واسلے مینز ڈبلز سیمی فائنل میں پہنچ گئے

آج کا اخبار
یورپ سے
12 مئی ، 2019
میڈرڈ (آئی این پی)یونانی نامور ٹینس سٹار سٹیفانوس اور انکے ہالینڈ کے جوڑی دار واسلے اپنی عمدہ کارکردگی کی بدولت میڈرڈ اوپن ٹینس ٹورنامنٹ مینز ڈبلز سیمی فائنل میں پہنچ گئے ۔انہوں نے کوارٹر فائنل میچ میں برازیلین برونو سوسا اور انکے برطانی جوڑی دار جمی مرے کو شکست دیکر ایونٹ کے سمی فائنل کے لئے کوالیفائی کیا۔ سپین میں جاری ایونٹ میں کھیلے گئے مینز ڈبلز کوارٹر فائنل میچزیونانی نامور ٹینس سٹار سٹیفانوس اور انکے ہالینڈ کے جوڑی دار واسلے نے برازیلین برونو سوسا اور انکے برطانی جوڑی دار جمی مرے کو سٹریٹ سیٹس میں 6-2 اور 7-6 سے زیر کر کے ایونٹ سے باہر کر دیا۔ دوسری جانبسیمونا ہالپ، سٹیفنز، کیکی برٹنز اور بلیندا بنکک میڈرڈ اوپن ٹینس ٹورنامنٹ ویمنز سنگلز سیمی فائنل میں پہنچ گئیں جبکہ جاپان کی ٹاپ سیڈڈ ناؤمی اوساکا، جمہوریہ چیک کی پیٹرا کویٹووا اور آسٹریلین بارٹے کوارٹر فائنل مرحلے میں ہار کر ٹائٹل کی دوڑ سے باہر ہوگئیں۔ سپین میں جاری ایونٹ میں کھیلے گئے ویمنز سنگلز کوارٹر فائنل میچز میں رومانیہ کی سیمونا ہالپ نے شاندار کارکردگی کا مظاہرہ کرتے ہوئے آسٹریلیا کی ایشلے بارٹے کو سٹریٹ سیٹس میں 7-5 اور 7-5 سے ہرا کر ایونٹ کے سیمی فائنل کے لئے کوالیفائی کرلیا۔امریکن سلونی سٹیفنز نے عمدہ کھیل پیش کرتے ہوئے کروشین حریف کھلاڑی پیٹرا مارٹک کو 6-4 اور 6-3 سے مات دی اور سیمی فائنل میچ کھیلنے کا اعزاز حاصل کرلیا۔ ہالینڈ کی کیکی برٹنز نے نمایاں کھیل کا مظاہرہ کرتے ہوئے جمہوریہ چیک کی نامور ٹینس سٹار اور ایونٹ کی سیکنڈ سیڈڈ کھلاڑی پیٹرا کویٹووا کو سٹریٹ سیٹس میں 6-2 اور 6-3 سے ہرا کر ایونٹ کے سیمی فائنل کے لئے کوالیفائی کرلیا۔ ایک اور میچ میں سوئس کھلاڑی بلیندا بنکک نے شاندار کارکردگی کا مظاہرہ کرتے ہوئے جاپان کی نامور ٹینس سٹار اور ٹاپ سیڈڈ ناؤمی اوساکا کو 3-6، 6-2 اور 7-5 سے ہرا کر ایونٹ سے باہر کر دیا۔
تازہ ترین