’’اگلا ورلڈ کپ آسٹریلیا کیلئے کھیلنا چاہتا ہوں‘‘

سابق ٹیسٹ کرکٹر عبدالقادر کے صاحبزادے ، لیگ اسپنر عبدالقادر نے آسٹریلیا کی جرسی پر نظر جما لی ،ان کا کہنا ہے کہ وہ اگلے ورلڈ کپ میں آسٹریلیا کیلئے کھیلنا چاہتے ہیں۔

پچیس سالہ عثمان قادر گزشتہ 3 سال سے آسٹریلیا میں مقیم ہیں، حال ہی میں انہوں نے بگ بیش میں اپنی صلاحیتوں کے جوہر دکھائے اور اب وہ بہت جلد آسٹریلیا کیلئے کھیلنے کے اہل بھی ہوجائیں گے ۔

جیو نیوز سے بات کرتے ہوئے عثمان قادر کا کہنا تھا کہ پاکستان سے موقع نہ ملنے کا افسوس ہے لیکن اب وہ اس بارے میں سوچتے نہیں۔

انہوں نے کہا کہ میری نظریں اب آسٹریلیا کی جرسی پر ہیں اور امید ہے کہ جلد آسٹریلیا کی جانب سے کھیلنے کا موقع مل جائے گا۔