• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
,

پلنکیٹ بال ٹمپرنگ الزام سے کلیئر قرار

تازہ ترین
خاص رپورٹ
13 مئی ، 2019
پلنکیٹ بال ٹمپرنگ الزامات سے کلیئر قرار

انٹرنیشنل کرکٹ کونسل (آئی سی سی) نے انگلش فاسٹ بولر لیام پلنکیٹ کو پاکستان کے خلاف دوسرے ایک روزہ بین الاقوامی میچ کے دوران بال ٹمپرنگ الزامات سے کلیئر قرار دے دیا۔


آئی سی سی کا ایک بیان میں کہنا ہے کہ میچ آفیشلز نے ایک کے بعد ایک اوور گیند کی حالت کا جائزہ لیا جس کے دوران ایسے کوئی شواہد نہیں ملے کہ لیام نے گیند کی حالت بدلنے کی کوشش کی ہو۔

ساؤتھمپٹن ون ڈے کے دوران انگلش فاسٹ بولر کو انگلیوں سے چھیڑ چھاڑ کرتے دیکھا گیا تھا۔

سماجی رابطے کی ویب سائٹ پر انگلش بولر کی جانب سے  گیند کو کھرچنے کی ویڈیو وائرل ہونے کے بعد شکوک و شبہات پیدا ہوگئے تھے۔

ذرائع کے مطابق پاکستانی ٹیم مینجمنٹ سوشل میڈیا پر وائرل ہونے والی انگلش بولر کی ویڈیوز سے آگاہ کیا تھا۔

کرکٹ قوانین کے مطابق میچ آفیشلز 48 گھنٹوں کے اندر معاملے کو رپورٹ کرسکتے ہیں جبکہ پی سی بی کا سی ای او بھی معاملے کو 96 گھنٹے کے اندر رپورٹ کرسکتا ہے۔

میچ میں انگلینڈ نے پاکستان کو دلچسپ مقابلے کے بعد 12 رنز سے شکست دی تھی، لیام پلنکیٹ نے میچ میں 64 رنز کے عوض دو وکٹیں حاصل کی تھیں۔

تازہ ترین
تازہ ترین