• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوہاٹ،بجلی چوری،بقایاجات ریکوری کیلئے ٹاسک فورس کی کارروائی ، 3گرفتار

میرا شہر
پشاور
20 مئی ، 2019
پشاور ( نیوزڈیسک) بجلی چوری اوربقایاجات کی ریکوری کے لئے پیسکوٹاسک فورسز کی کارروائیاں صوبہ بھرکے مختلف علاقوں میں جاری ہیں، مہم کے دوران خیبرسرکل کی ٹاسک فورسز نے رات کے اوقات میں مختلف علاقوں میں آپریشن کیا ڈائریکٹ کنڈوں ، بجلی چوری اور نادہندہ گان کے خلاف پیسکو ٹاسک فورس کالج ٹاؤن سب ڈویژن کوہاٹ کی ٹیموں نے رات کو کوہاٹ کے مختلف علاقوں میں گرینڈ آپریشن کیا،آپریشن کے دوران درجنوں کنڈوں کو ہٹایا گیا،جبکہ 3افراد کے خلاف ایف آئی آر درج کرکے گرفتار کرلیا گیا ہے ،ترجمان نے کہا کہ کنڈوں اوربجلی کا غیرقانونی استعمال کرنے والوں پر واضح کیا جاتا ہے کہ بجلی چوری قطعا برداشت نہیں کی جائے گی اور ان کے لئے اب زیروٹالیرنس کی پالیسی پر عمل کرتے ہوئے بجلی بل ادا نہ کرنے اورکنڈوں اوربجلی چوری کرنے والوں کے خلاف فوری سخت سے سخت کاروائی کی جائے گی ۔
تازہ ترین