• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لیہ، بھکر اور قائدآباد میں نیاپاکستان ہائوسنگ سکیم شروع کرنے کافیصلہ کیاگیاہے،رفاقت علی گیلانی

میرا شہر
لاہور
22 مئی ، 2019
لاہور(خصو صی رپورٹر) سیاسی معاون برائے وز یر اعلیٰ پنجاب سید رفاقت علی گیلانی نے اپنے آفس میں اپنے آبائی علاقے سے آئے وفد سے ملاقات میں کہا ہے کہ حکومت نے نیا پاکستان ہائوسنگ سکیم کے دائرہ کار کو وسیع کرتے ہوئے پنجاب کے تین مزید شہروں لیہ، بھکر اور قائدآباد (ضلع خوشاب) میں نیا پاکستان ہائوسنگ سکیم شروع کرنے کا فیصلہ کیا ہے۔ اس حوالے سے عوام سے جلد درخواستیں طلب کرنے کا آغاز کر دیا جائے گا۔ انہوں نے کہا کہ ان تینوں شہروں میں نیا پاکستان ہائوسنگ سکیم کے تحت کم لاگت گھروں کی تعمیرکے آغاز کے حوالے سے انتظامات کو حتمی شکل دی جارہی ہے۔ لاہور میں نیا پاکستان ہائوسنگ سکیم کی مجوزہ سائٹس کے حتمی انتخاب کیلئے ایک 6رکنی کمیٹی بھی تشکیل دی گئی جو تمام مجوزہ سائٹس کا دورہ کرکے اپنی رپورٹ حکومت کو پیش کرے گی۔ مزیدبراں پدری ضلع راولپنڈی میں نئے شہر کے قیام کے حوالے سے رپورٹ تیار کرنے کیلئے بھی کمیٹی کا قیام عمل میں لایاگیا۔ یہ دونوں کمیٹیاں ایک ہفتے میں اپنی رپورٹ پیش کریں گی۔
تازہ ترین