آپ آف لائن ہیں
جنگ ای پیپر
جمعہ 15؍ ذیقعد 1440ھ19؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ساہیوال کے اسپتال میں ایئر کنڈیشن خراب ہونے سے پانچ نومود بچوں کی ہلاکت کی ڈپٹی سیکرٹری ہیلتھ نے تردید کردی۔

ڈپٹی سیکریٹری رفاقت علی نے کہا کہ اسپتال میں تین بچوں کی اموات ہوئیں، دو بچے نجی کلینکس سے کیس بگڑنے پرلائے گئے تھےجبکہ تیسرے بچے کی موت وارڈ میں ہوئی جس کا اے سی کی خرابی سے کوئی تعلق نہیں۔

ترجمان وزارت صحت پنجاب کے مطابق بچوں کی ہلاکت کی ابتدائی رپورٹ وزیرصحت یاسمین راشد کو پیش کردی گئی جبکہ اے سی نہ چلنےکوبچوں کی ہلاکت کی وجہ قراردینا بےبنیاد ہے۔

دوسری طرف مسلم لیگ ن کے صدر شہبازشریف نے بچوں کی ہلاکت کی مذمت کرتے ہوئے کہا ہے کہ ساہیوال واقعے پر دل خون کے آنسو روتاہے،ذمے داروں کو قرار واقعی سزا دی جائے ۔

شہباز شریف نے کہا کہ ان کی ہمدردیاں بچوں کے والدین کے ساتھ ہیںاور پنجاب حکومت مکمل طور پر ناکام ہو چکی ہے۔

Chatاپنی رائے سے آگاہ کریں