فرمان الہی
نماز کے اوقات
مسلم لیگ نون کی ترجمان مریم اورنگزیب نے سابق وزیر اعظم میاں نواز شریف کو والدہ اور بیٹی مریم نواز سے نہ ملنے دینے کی مذمت کی ہے۔
ایک بیان میں انہوں نے کہا ہے کہ عمران صاحب نواز شریف کو اُن کی والدہ اور بیٹی سے آپ کے حکم پر نہیں ملنے دیا گیا، آپ کی تو عید ہو گئی۔
مریم اورنگزیب نے کہا کہ نوازشریف کو عید پر اور بیماری میں بھی والدہ، بیٹی اور گھر والوں سےنہ ملنے دینا عمران خان کی بے حسی اور انتقامی سیاست کی انتہا ہے۔
انہوں نے کہا کہ عمران صاحب سیاست میں جس انتقام، انتشار اور نفرت کی بنیاد آپ نے رکھی ہے، آپ خود اُس کا شکار ہو رہے ہیں۔
ترجمان مسلم لیگ نون نے کہا کہ عید پر نواز شریف کو ان کی بیٹی اور والدہ سے نہ ملنے دینے سے عمران خان کو دلی سکون مل رہا ہو گا۔
مریم اورنگزیب کا کہنا ہے کہ عمران صاحب جس غلیظ اور منفی سیاست کی بنیاد آپ نے رکھی ہے، اسے پورا پاکستان دیکھ رہا ہے ۔
ان کا یہ بھی کہنا ہے کہ نواز شریف بیمار ہیں اور اُن کی بیٹی اور ذاتی معالج کو اُن سےملنے نہیں دیا جا رہا، عمران خان کے 50 ترجمان صرف نواز شریف کی صحت پر سیاست کر رہے ہیں۔
