فرمان الہی
نماز کے اوقات
اسلام آباد (نیوز ایجنسیاں)اسلام آباد ہائیکورٹ 10؍جون کو آصف زرداری اور فریال تالپور کی درخواست ضمانت کی سماعت ہوگی۔ 11؍جون کو نوازشریف کی ضمانت درخواست پر سماعت ہوگی۔ جبکہ شاہد خاقان عباسی کیخلاف ایل این جی کیس کی تحقیقات بھی آخری مرحلے میں ہے۔ تفصیلات کے مطابق رواں ہفتے اہم سیاسی شخصیات کے خلاف کرپشن کیسز پر نیب کا ایکشن شروع ہو رہا ہے۔ جیل میں قید سابق وزیراعظم نواز شریف رہا ہوں گے یا سابق صدر آصف علی زرداری گرفتار ہونگے، بڑی سیاسی شخصیات کی ضمانت درخواستوں پر بھی فیصلے سامنے آئیں گے۔سابق صدر اور وزرائے اعظم سمیت کئی سیاسی بڑوں کے خلاف کرپشن کیسز، جعلی اکاؤنٹس، ایل این جی، بلٹ پروف گاڑیوں اور آمدن سے زیادہ اثاثہ جات کے مقدمات چلیں گے۔ اہم شخصیات کی گرفتاری ہو گی یا ضمانت مل جائیگی۔ اسلام آباد ہائیکورٹ 10؍جون کو آصف زرداری اور فریال تالپور کی ضمانت پر فیصلہ کریگی۔ 11؍جون کو نوازشریف کی ضمانت درخواست پر سماعت ہوگی۔نیب نے بلاول بھٹو زرداری سے اوپل 225 منصوبے میں 10؍جون تک جواب طلب کر رکھا ہے، شاہد خاقان عباسی کے خلاف ایل این جی کیس کی تحقیقات بھی آخری مرحلے میں ہے۔ چیئرمین نیب نے قائم علی شاہ اور مراد علی شاہ کے خلاف ٹھٹھہ اور دادو شوگر ملز کیس کی انکوائریز کو باقاعدہ تحقیقات میں منتقل کرنے کی منظوری دیدی ہے ۔ ذرائع کے مطابق بات ان کی گرفتاری تک جا سکتی ہے ۔عید کے بعد وزیر دفاع پرویز خٹک کے خلاف مالم جبہ کیس میں بھی اہم گرفتاریوں کا فیصلہ ہوگا جبکہ ریفرنس احتساب عدالت میں دائر کردیا جائے گا۔
