• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی فتح جنگ روڈ پر ٹریفک حادثہ ماں بیٹے سمیت 4 افراد جاں بحق 18 زخمی

میرا شہر
اسلام آباد
11 جون ، 2019
فتح جنگ (نمائندہ جنگ،نامہ نگار) ٹر ا لر اور اور 2پک اپ آ پس میں ٹکر انے سے ما ں بیٹے سمیت 4 افرا د جا ں بحق اور18زخمی ہو گئے۔ حادثہ فتح جنگ راولپنڈی روڈ پر پیش آیا۔5 زخمیوں کی حالت تشویش ناک بتائی جارہی ہے اسسٹنٹ کمشنر مہر غلام عباس ،چیف آفیسر خان بادشاہ ، ڈی ایس پی سکندر گوندل ،ایس ایچ اوعابد منیر، تحصیلدار ملک زبیراور پنجاب ہائی وے پٹرولنگ پولیس موقع پر پہنچ گئی زخمیوں کو فوری طور پر تحصیل ہیڈ کوارٹر ہسپتال فتح جنگ منتقل کیا گیا جہاں سے ابتدائی طبی امداد کے بعد راولپنڈی ریفر کر دیا گیا حادثہ فتح جنگ راولپنڈی روڈ پر شاہ پور ڈیم کے نزدیک پیش آیا ۔ فتح جنگ سے دس کلومیٹر دور شاہ پور ڈیم کے نزدیک پک اپ فتح جنگ کی جانب سے آنے والی ٹرالر سے ٹکراگئی جبکہ پیچھے آنے و الی پک اپ بھی آگے حادثے کا شکار ہونے والی پک اپ سے ٹکرا گئی حا دثہ اس قدر شدید تھا کہ پک اپ کی باڈی سے چھت الگ الگ ہو گئی اور گا ڑی مکمل طور پر تباہ ہو گئی حادثے کے نتیجے میں تین افراد گل محمد اور شمس الدین موقع پر جاںبحق ہو گئے جبکہ ایک نامعلوم خاتون اور اسکا ایک سالہ بیٹا زخمی حالت میں پنڈی منتقل کرتے ہوئے دم توڑ گئی زخمیوں میں حارث،تیمور ،داؤد ،سیفر ،جویریہ دختر رحمت ،یاسر ، گل جان زوجہ رحمت ،رشید ،ذکریا بی بی آسیہ ،محمد فیاض اور دیگر شامل ہیں تمام زخمیوں اور جاں بحق ہونے والوں کو تحصیل ہیڈ کوارٹرز ہسپتال پہنچایا گیاضروری کاروائی کے بعد میتوں کو ورثاءکے حوالے کر دیاگیا جبکہ تمام زخمیوں کو ابتدائی طبی امداد کے بعد ہولی فیملی ہسپتال ریفر کر دیا گیا
تازہ ترین