’عمران خان مشورہ مانیں، گھر چلے جائیں‘

14 جون ، 2019

پیپلز پارٹی کے شریک چیئرمین آصف علی زرداری نے کہا ہے کہ عمران خان کچھ بھی کہتے رہتے ہیں، میرا مشورہ مانیں تواستعفا دیں اورگھر جائیں۔

جعلی بینک اکاؤنٹس میں گرفتار سابق صدر آصف زرداری نے کمرہ عدالت میں صحافیوں سےغیررسمی گفتگو کرتے ہوئے کہا کہ عمران خان نےتو پہلےکہا تھاخود کوگولی مارلوں گاسیاست میں نہیں جاؤں گا،پھرانہوں نے کہا خودکشی کرلوں گاآئی ایم ایف کے پاس نہیں جاؤں گا۔

واضح رہے خیال رہے کہ نیب نے 10 جون کو سابق صدر آصف علی زرداری کو اسلام آباد سے گرفتار کیا تھا۔نیب حکام کی جانب سے 11 جون کو آصف علی زرداری کو احتساب عدالت میں پیش کیا گیا جہاں سے ان کا 10 روزہ ریمانڈ حاصل کیا۔

انہوں نے کہا کہ عمران خان اگر1947سےکمیشن نہیں بناناچاہتے توپچھلے20سال کاتوبنائیں ،عمران خان اگربہت پرانوں کی پگڑیاں نہیں اچھالناچاہتے تومشرف کےدورسےتوکریں۔

بجٹ سے متعلق سوال پر انہوں نے کہا کہ بجٹ کی منظوری کا انحصاراختر مینگل پرہےوہ کدھر بیٹھتے ہیں۔

انہوں نے کہا کہ عمران خان نے کیسے کہا ملک مستحکم ہوگیا؟کیا لوگوں کی تنخواہیں بڑھ گئی ہیں؟میرے دورمیں توسب کی تنخواہیں بڑھتی تھیں۔

انہوں نے اپنی صحت سے متعلقبتاتے ہوئے کہا کہ کل نیب نے میرا معمول کا طبی معائنہ کرایا۔

گزشتہ روزطبیعت ناساز ہونے کے بعد سابق صدر کو راولپنڈی انسٹیٹیوٹ آف کارڈیالوجی منتقل کر دیا گیا تھا۔

تازہ ترین