نعیم الحق اور علی زیدی کا پاک بھارت میچ پر تبصرہ

وفاقی وزیر بحری امور علی زیدی اور وزیراعظم کے معاون خصوصی نعیم الحق نے بھی پاک بھارت میچ پر تبصرہ کردیا۔

ایک بیان میں نعیم الحق نے کہا کہ پہلے بیٹنگ نہ کرنے کا فیصلہ درست نہیں نکلا،وزیراعظم نے بھی پہلے بیٹنگ کا مشورہ دیا تھا۔

انہوں نے مزید کہا کہ دوسری بیٹنگ کرتے ہوئے ہدف کے لئے پاکستان کا ریکارڈ اچھا نہیں،فیصلہ سازی میں ہی ذہنی صلاحیت کی آزمائش ہوتی ہے۔

وفاقی وزیر علی زیدی نے کہا کہ جس ٹیم کا ٹمپرامنٹ اچھا ہوگا وہی جیتے گی،ذہنی طور پر مضبوط ٹیم ہی میچ جیتی ہے۔