کراچی (جنگ نیوز)پاکستان کے سابق صدر جنرل پرویزمشرف (ڈمی) اِن دِنوں خبروں کی زینت بنے ہوئے ہیں ، اپنی بیماری اور دیگر اہم مصروفیات سے وقت نکال کر پاکستان کے سابق صدر جمعرات کو ”جیونیوز“کے پروگرام ”خبرناک“ کی میزبانی کے فرائض انجام دیں گے۔ اس دوران پرویزمشرف اپنے بیرون ملک روانگی، صحت، نجی زندگی، سیاسی مصروفیات اور مستقبل کے لائحہ عمل سے بھی عوام کو آگاہ کریں گے۔ اس کے علاوہ اُن کی جانب سے عوام کو جمہوریت پسند لیکچربھی دیا جائے گا۔ طنز و مزاح سے بھر پور شو میں ”موسیقی “ کو روح کی غذاسمجھنے والوں کیلئے بھی خصوصی اہتمام ہے کیونکہ حاضرین اور ناظرین ”چن میرے مکھنا“ کے لازوال گیت سے بھی محظوظ ہوں گے۔ ”فرصت علی خان اور کلام علی خان کی اکیڈمی پر قیدیوں کا دھاوا ، کلاسیکل موسیقی بھنڈی گوشت کی نذر، کلام علی خان کی بھڑکیں ،گونجتا باجا، خان صاحبان کا خواتین کو چھیڑنااور جیل توڑنے والے طبلے کی تھاپ پر تھرکنا“ جیسے سیگمنٹس بھی اس شو کا حصہ ہیں۔ میرمحمدعلی کی میزبانی میں ”خبرناک“ کا دلچسپ شو ناظرین رات 11بجکر5 منٹ پر ملاحظہ کرسکیں گے۔
فرمان الہی
نماز کے اوقات
