• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بینظیر بھٹوکی سالگرہ کی تقریبات،نیب ہراساں نہیں کرسکتا،چوہدری منظور

میرا شہر
لاہور
22 جون ، 2019
لاہور(سپیشل رپورٹر )پیپلزپارٹی لاہور کےزیر اہتمام شہر کے مختلف مقامات پر بے نظیر بھٹو کی 66 ویں سالگرہ منائی گئی ، اس موقع پر شریف پورہ بند روڈ، ڈیفنس سوسائٹی، گلبرگ ، جوہر ٹائون، ایوان عدل سمیت دیگر مقامات پر تقاریب ہوئیں جن میں چودھری منظور حسین، سید حسن مرتضی، اسلم گل، ثمینہ گھر کی ، عزیز الرحمن چن ، اسرار بٹ ، زہیب بٹ ، موسی کھوکھر،اشرف بھٹی، عابد صدیقی، زاہد ذوالفقار، سمیت کارکنوں کی بڑی تعداد شریک ہوئی ، چودھری منظور احمد نے خطاب میں کہا کہ نیب ہمارے کسی کارکن کو ہراساں نہیں کرسکتا ،ہم نے بے نظیر شہید سے تربیت لی ہے ہم حالات کا مقابلہ کرنا جانتے ہیں ،بے نظیر بھٹو شہید کا مشن جاری رکھیں گے ، بے نظیر عوام کے دلوں میں زندہ ہیں ، سید حسن مرتضی نے کہا کہ ہمارے قائدین کو گرفتار کیا جارہا ہے لیکن ہم خوف زدہ نہیں ہیں، بے نظیرشہید کا نام ہمیشہ زندہ رہے گا ، وہ عظیم خاتو ن تھیں۔
تازہ ترین