فرمان الہی
نماز کے اوقات
کر اچی( نصر اقبال/ اسٹاف رپورٹر) ایک ہفتے میں کھیل کے میدان میں پاکستان نے تیسرا گولڈ میڈل جیت لیا، اسنوکر ٹیم نے ایشین ایونٹ میں حمزہ خان نے اسکواش میں گولڈ میڈل جیتا تو اردن میں پاکستان کی خواتین برج ٹیم نے بھارت کو شکست دے کر ایشیا مڈل ایسٹ برج چیمپئن شپ میں گولڈ میڈل اپنے نام کر کے رواں سال چین میں ستمبر میں ہونے والی عالمی خواتین برج چیمپئن شپ میں رسائی حاصل کر لی، فاتح پاکستانی ٹیم میں ماں، بیٹی اور نا نی روبینہ حئی، فاطمہ رضا اور قدسیہ ڈوسا بھی شامل تھیں ، دیگر کھلاڑیوں میں روبینہ آغا، نجم عابد، اور شہناز پیرزادہ نے ملک کی نمائندگی کی،اوپن ایونٹ میں پاکستان نے برانز میڈل جیتا، بنگلہ دیش نے فائنل میں بھارت کو شکست دے کر پہلی بار برمودا بائول ایونٹ میں کوالیفائی کیا، سنیئر ایونٹ میں پاکستان نے کویت کو ہراکر برانز میڈل جیتا۔ متحدہ عرب امارات نے بھارت کو شکست دے کر گولڈ میڈل اپنے نام کیا۔
