• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران صاحب اگر موت برداشت کر سکتے تو آئی ایم ایف جانے سے پہلے خودکشی کر لیتے، مریم اورنگزیب

آج کا اخبار
اہم خبریں
06 جولائی ، 2019
اسلام آباد (نمائندہ جنگ) پاکستان مسلم لیگ (ن) کی ترجمان مریم اورنگزیب نے کہا ہے کہ عمران صاحب اگر موت برداشت کر سکتے ہوتے تو آئی ایم ایف جانے سے پہلے خود کشی کر لیتے۔جس شخص کوغریب عوام کا احساس نہ ہو،اس کا احساس پروگرام کبھی کامیاب نہیں ہو سکتا۔ وزیراعظم کی تقریر پر جمعہ کو اپنے ردعمل میں سابق وزیراطلاعات نے کہاکہ عمران صاحب پھر ، کریں گے ، بنائیں گے، دیں گے،کروں گا، ہو گا، آخر کب ، آخر کب عمران صاحب ؟ آج اسلاآباد ائیرپورٹ آپ نے دیکھا ، یہ بھی عوام کو نواز شریف کا تحفہ ہے۔ آپ نے ابھی تک تو ایک اینٹ نہیں لگائی، ایک میگا واٹ بجلی نہیں بنی، ایک نوکری نہیں ملی، ایک گھر نہیں بنا ، وزیراعظم ہائوس یونیورسٹی نہیں بنا ؟ انہوں نے کہاکہ عمران صاحب جھوٹ بولنے والے کے کام میں کبھی برکت نہیں ہوتی۔
تازہ ترین