فرمان الہی
نماز کے اوقات
سندھ کے شہر گھوٹکی کے علاقے کھینجو کی 2 برادریوں میں دشمنی نے 3 افراد کی جان لے لی۔
گھوٹکی پولیس کے مطابق کھینجو میں پیش آنے والا فائرنگ کا واقعہ 2 برادریوں میں دشمنی کا شاخسانہ ہے۔
پولیس کا کہنا ہے کہ واقعے میں نشانہ بنائے گئے افراد ڈہرکی کی عدالت میں پیشی پر جا رہے تھے کہ نور پیر کے پل پر گھات لگائے ہوئے ملزمان نے ان پر فائرنگ کر دی۔
فائرنگ کے نتیجے میں 3 افراد جاں بحق ہو گئے جبکہ ملزمان کامیاب واردات کے بعد با آسانی فرار ہونے میں کامیاب ہو گئے۔
جاں بحق ہونے والے تینوں افراد کی لاشوں کو پوسٹ مارٹم کے لیے اسپتال منتقل کر دیا گیا ہے۔
پولیس کا کہنا ہے کہ واقعہ لونڈ اور کوری برادری کے مابین دیرینہ دشمنی کا شاخسانہ ہے، 2 سال قبل کارو کاری کے تنازع پر کوری برادری کے افراد نے لونڈ برادری کے 2 افراد کو قتل کیا تھا۔
پولیس کے مطابق آج صبح گھر سے عدالتی پیشی پر جانے والے تینوں افراد کو لونڈ برادری کے مسلح افراد نے فائرنگ کر کے قتل کیا ہے۔
