فرمان الہی
نماز کے اوقات
وفاقی وزیر مراد سعید کہتے ہیں کہ اللّٰہ تعالیٰ نے ایک سال قبل قوم کو اپنی تقدیر بدلنے اور ایسا رہنما چننے کا موقع دیا جو دنیا میں ان کی عزت و وقار بحال کرے۔
سماجی رابطے کی ویب سائٹ ٹوئٹر پر پاکستان تحریک انصاف کی جانب سے منائے جانے والے یوم تشکر کے حوالے سے مراد سعید اپنے رد عمل کا اظہار کر رہے تھے۔
انہوں نے مزید کہا کہ اس قوم کو ایسا رہنما ملا ہے جو اس پاک سر زمین کو اس کے باسیوں کے لیے باعثِ افتخار بنا رہا ہے، تاہم دشواریاں اور مشکلات بھی ہیں جن کا ہر درست راہ پر گامزن فرد اور معاشرے کو سامنا کرنا پڑتا ہے۔
مراد سعید نے یہ بھی کہا کہ عزم ہے، ارادہ ہے، نیک نیتی کا سہارا ہے، جس خواب کی تکمیل کے لیے دہائیوں تک انتظار کیا گیا وہ ان شاء اللّٰہ جلد شرمندۂ تعبیر ہو گا۔
