فرمان الہی
نماز کے اوقات
معروف اداکارہ مہوش حیات قومی کھیل ہاکی کو سپورٹ کرنے کے لیے میدان میں آگئیں۔
مہوش حیات گزشتہ ہفتے بھی ہاکی میچ دیکھنے کے لیے کراچی کے عبدالستار اسٹیڈیم پہنچی تھیں، جہاں انہوں نے کھلاڑیوں کے ساتھ ہاکی بھی کھیلی اور ملک میں ہاکی کے فروغ کا ارادہ بھی کیا۔
اداکارہ مہوش حیات سکھر میں جاری لڑکیوں کے ٹریننگ کیمپ میں پہنچی اور ان کے ساتھ ہاکی کھیل کر لڑکیوں کی حوصلہ افزائی کی۔
مہوش حیات نے کہا کہ ہمیں کرکٹ کی طرح ہاکی کو بھی سپورٹ کرنا چاہیے اور اس کے فروغ کے لیے اپنا کردار ادا کرنا چاہیے۔
انہوں نے کہا کہ قومی ٹیم ہاکی میں چار مرتبہ ورلڈ چیمپئن رہ چکی ہے اور اولمپک بھی جیت چکی ہے، مگر آج ملک میں ہاکی کی حالت دیکھ کر افسوس ہوتا ہے۔
