پنجگور میں فائرنگ، ایک شخص جاں بحق

بلوچستان کے ضلع پنجگور میں نامعلوم مسلح افراد نے فائرنگ کر دی جس کے نتیجے میں ایک شخص جاں بحق ہو گیا۔

پنجگور پولیس کے مطابق فائرنگ کا واقعہ پنجگور کے نواحی علاقے وشبود میں پیش آیا جہاں مسلح افراد کی فائرنگ سے الیاس نامی نوجوان جاں بحق ہو گیا۔

واقعے کے بعد مقتول کی لاش کو ضروری کارروائی کے بعد پوسٹ مارٹم کے لیے ڈسٹرکٹ ہیڈ کوارٹر اسپتال پہنچا دیا گیا ہے۔

پولیس کا کہنا ہے کہ اس قتل کی وجہ معلوم نہیں ہو سکی، واقعے سے متعلق تفتیش جاری ہے۔