فرمان الہی
نماز کے اوقات
جھنگ چنیوٹ روڈ پر بس، موٹر سائیکل اور چنگ چی رکشے میں تصادم کے نتیجے میں 5 خواتین سمیت 9 افراد جاں بحق ہوگئے۔
ریسکیو ذرائع کے مطابق جھنگ سے براستہ چنیوٹ راولپنڈی جانے والی بس نے چنیوٹ روڈ اڈا آرائیاں کے قریب موٹر سائیکل سوار کو بچاتے ہوئے سامنے سے آنے والے چنگ چی رکشے کو کچل دیا۔
واقعے کی اطلاع ملتے ہی پولیس اور ریسکیو اہلکار جائے حادثہ پر پہنچ گئے۔
ریسکیو ذرائع کے مطابق حادثےمیں چنگ چی ڈرائیور، 5 خواتین سمیت 9 افراد جاں بحق ہوئے، جن میں 2 موٹر سائیکل سوار بھی شامل ہیں جبکہ 6 افراد زخمی ہوئے ہیں۔
پولیس کے مطابق راولپنڈی جانے والی بس کو قبضے میں لے لیا گیا ہے جبکہ ڈرائیور اور کنڈیکٹر موقع سے فرار ہوگئے ہیں۔
جاں بحق ہونے والوں میں عطاء محمد، سکینہ بی بی، سرداراں، اقبال، ساجدہ، جنتاں بی بی، ستم علی خان، ممتاز علی، ظفر خان شامل ہیں۔
جاں بحق ہو نے والوں کا تعلق چنیوٹ، بھوانہ اور جھنگ سے بتایا گیا ہے۔
