لندن (جنگ نیوز)پرویز مشرف کی بیماری کا مذاق اڑانے والوں کو ہمیشہ کی طرح منہ کی کھانی پڑے گی اورسیاسی بونوں کو ماضی کی طرح سُبکی اٹھانی پڑے گی۔پاکستان پرویز مشرف کا گھر ہےان کو نہ ہی کوئی انہیں آنے سے روک سکتا ہے اور نہ جانے سےروک سکتا ہے۔یہ بات آل پاکستان مسلم لیگ برطانیہ کے صدر افضال احمد صدیقی نے پارٹی کے سینئر نائب صدر چوہدری تبریز اور نائب صدر علی حیدر جعفری اور پریس سیکرٹری محسن رضا نقوی کے ہمراہ مقامی صحافیوں کو بریفنگ دیتے ہوئے کہی۔صدر افضال احمد صدیقی کا کہنا تھا کہ سوشل میڈیا پر پرویز مشرف کی حالیہ گردش کرنے والی تصویروں نے مخالفین کی نیندیں اڑا دی ہیں حالانکہ یہ ماضی کی تصویریں ہیں مگر یہ بات بھی قابلِ ذکر ہے کہ سابق صدر پرویز مشرف ایک باحوصلہ انسان ہیں اور نہ بیماری سے حوفزدہ ہیں اور نہ ہی کسی فرد سے خوفزدہ ہیں۔ایک صحافی کے ایک سوال پر پرویز مشرف کی بیماری پر تبصرہ کرتے ہوئے صدر برطانیہ کا کہنا تھا کہ پرویز مشرف ریڑھ کی ہڈی کے عارضے میں مبتلا ہیں اور جب وہ ہائی ڈوز درد کش ادویات استعمال کرتے ہیں تو درد کُچھ دوا کے زیرِ اثر کافی ہشاش بشاش نظر آتے ہیں۔ انہوں نے کہا کہ یہ بات عیاں ہے کہ ڈاکٹرز نے انہیں چلنے پھرنے سے نہیں روکا۔
فرمان الہی
نماز کے اوقات
