فرمان الہی
نماز کے اوقات
اسلام آباد (این این آئی)پیپلز پارٹی کےسینئر رہنما اعتزاز احسن نے کہا ہے کہ ن لیگ والے کہتے ہیں ہمارے پاس اور بہت ساری ویڈیوز ہیں، (ن )لیگ والے بلیک میل کر رہے ہیں، کیا(ن) لیگ نے بلیک میلنگ کیلئے ایسی ویڈیوز بنا رکھی ہیں؟اگر مریم نواز نے ویڈیو عدالت میں پیش کیں تو خود ان پر فرد جرم عائد ہو جائیگی،ن لیگ کی ذمہ داری ہے اصلی ویڈیو عدالت میں پیش کرے،بطور قیدی نواز شریف سے ہم دردی ہے لیکن قانون پر عمل ہونا چاہیے،ایک ویڈیو سے جج کے تمام فیصلے ختم نہیں ہو سکتے۔ ایک انٹرویو میں اعتزاز احسن نے کہا کہ ن لیگ کی ذمہ داری ہے اصلی ویڈیو عدالت میں پیش کرے، ویڈیو بنانے والے کو بھی پیش کرنا (ن )لیگ کی ذمہ داری ہے، انکےپاس بغیر ایڈٹ شدہ ویڈیو ہے تو بھاگ کر عدالت جانا چاہئےتھا، ویڈیو کاٹ کر پیش کی گئی، یہ تو خوداندر ہو جائیں گے۔پی پی رہنما نے کہا کہ ویڈیو کو 2 ماہ ہو گئے اب تک ن لیگ والے کچھ ثابت نہیں کر سکے، ن لیگ کی قیادت نے نواز شریف کے ساتھ اچھا نہیں کیا، خواجہ حارث ان کے ساتھ بیٹھے ہوتے تو وہ انھیں ایسا نہ کرنے دیتے، بطور قیدی نواز شریف سے ہم دردی ہے لیکن قانون پر عمل ہونا چاہیے۔اعتزاز احسن نے کہا کہ (ن )لیگ نے جسٹس قیوم کے ساتھ بھی ایسا ہی کیا تھا، سیف الرحمان، جسٹس راشد عزیز مرحوم کی آڈیو ٹیپس بھی چلی تھیں، جج کی پرانی ویڈیو عدالت میں ثابت ہو جائے تو حدود کا کیس بن سکتا ہے، ایک ویڈیو سے جج کے تمام فیصلے ختم نہیں ہو سکتے۔
