فرمان الہی
نماز کے اوقات
کراچی (اسٹاف رپورٹر)مختلف علاقوں میں جنریٹر کادھواں بھر جانے سےمیاں بیوی جاں بحق، خواتین اور بچوں سمیت 11افراد کی حالت غیر ہو گئی،جنھیں بے ہوشی کی حالت میں اسپتال منتقل کیا گیا،تفصیلات کے مطابق کورنگی اللہ والا ٹاون جھنڈا چوک کے قریب و اقع گھر میں جنریٹر کا دھواں بھر جانے کے باعث دم گھٹنے سے میاں اور بیوی 28سالہ شوکت ولد محمد علی اور 21سالہ انیلہ بی بی زوجہ شوکت جاں بحق ہو گئے ،اطلاع ملنے پر ریسکیو عملے اور پولیس نے موقع پر لاشوں کو جاں اسپتال منتقل کیا،علاوہ ازیں سرجانی ٹاؤن تھانے کی خدا کی بستی گلشن فیزون میں واقع مکان نمبرآر14 میں جنریٹرکا دھواں بھرجانے سے بچوں اورخاتون سمیت11افراد کی حالت غیرہوگئی اورجنہیں فوری طورپربیہوشی کی حالت میں عباسی اسپتال منتقل کیا گیا اس حوالے سےپویس کے مطابق اسپتال میں دھویں سے متاثرہونے والوں کی شناخت 50 سالہ محمد وسیم ولد ظہوراس کی بیوی 40 سالہ سکینہ،4 بیٹیاں 22 سالہ اقرا، 18 سالہ بسما ،24 سالہ بشرا،3 بیٹے 25 سالہ محمد صادق،8 سالہ انزالہ،17 سالہ اویس اورایک رشتہ دار 17سالہ دیوارولد طاہر کے ناموں سے ہوئی ہے۔
