• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گجرات :لیگیMNAعابدرضااوربھائی میں فائرنگ کاتبادلہ،2بیگناہ دکاندارہلاک

آج کا اخبار
اہم خبریں
02 ستمبر ، 2019
گجرات(نمائندہ جنگ)گجرات کے قصبۃ کوٹلہ ارب علی خاں میں دکانوں کے کرایہ کی وصولی کے تنازعہ پر ن لیگی MNA چوہدری عابد رضا اور اسکے بھائی ق لیگی و سابق مشیر وزیراعلیٰ چوہدری رہنما نعیم رضا گروپوں میں دن دہاڑے بھرےبازار میں فائرنگ کا تبادلہ ہوگیا، دونوں جانب سے اندھا دھند برسائی جانیوالی گولیوں کی زد میں آکر 2بیگناہ دکاندار بھائی ہلاک ہوگئے جبکہ راہگیرخاتون سمیت2افراد شدید زخمی ہیں۔تصادم دکانوں کے کرایہ تنازع پرہوا، گولیوں کی زد میں آکر4افراد زخمی ہوئے،جن میں سے 2 بھائی شفقت اور امجد دم توڑ گئے ،مقتولین کے بھائی محمد امجد کی مدعیت میں تھانہ ککرالی نے چوہدری عابد رضا اور اسکے بھائی چوہدری نعیم رضاکیخلاف قتل کے الزام میں مقدمہ درج کرلیا۔ کو ٹلہ ارب علی خاں مین بازار میں اتوار کو دن دہاڑے دونوں گروپوں میں ہونیوالی فائرنگ کی زد میں آنیوالے سدوال کلاں کے رہائشی 2 بھائی شفقت شہزاد اور امجد اعجاز کوٹلہ مین بازار میں درزی کا کام کرتے تھے،ان سمیت ایک راہگیر خاتون تعظیم بی بی زوجہ محمد نواز گڑھا منتاں اورمبینہ طور پر چوہدری عابد رضا کا گن مین ظفر اقبال ولد غلام نبی شدید زخمی ہو ئے۔تمام زخمیوں کو سول ہسپتال کوٹلہ منتقل کیا گیا جہاں زخمی شفقت شہزاد دم توڑ گیا۔دیگر زخمیوں کو عزیز بھٹی ہسپتال گجرات منتقل کیا گیا جہاں دوسرا بھائی امجد اعجاز بھی زخموں کی تاب نہ لاتے ہوئے جاں بحق ہوگیا۔ ڈی ایس پی کھاریاں اسد اسحاق،ایس ایچ او ککرالی اختر گوندل اورایس ایچ او گلیانہ ملک نذیر پولیس کی بھاری نفری کے ہمراہ کوٹلہ جائے واردات پر پہنچ گئے۔ فائرنگ سے کوٹلہ ارب علی خان میں بھگدڑ اورشدید خوف و ہراس پھیل گیا، تمام بازار فوری طور پر بند ہو گئے۔
تازہ ترین