آپ آف لائن ہیں
ہفتہ یکم صفرالمظفر 1442ھ19؍ستمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پاکستان نے 50 ملکوں کی طرف سے مقبوضہ کشمیر پر مشترکہ اعلامیہ پیش کردیا

پاکستان نے اقوام متحدہ کی انسانی حقوق کونسل کے اجلاس میں پچاس ملکوں کی طرف سے مقبوضہ کشمیر میں انسانی حقوق کی بدترین صورتحال پر مشترکہ اعلامیہ پیش کر دیا۔ جس میں مقبوضہ وادی سے کرفیو کے فوری خاتمے، ذرائع مواصلات کی بحالی اور زیر حراست افراد کو فوری رہا کرنے کا مطالبہ کیا گیا ہے۔

ترجمان دفتر خارجہ کے مطابق مقبوضہ کشمیر کی صورت حال پر انسانی حقوق کونسل میں مشترکہ اعلامیہ پیش کر دیا گیا۔ مشترکہ اعلامیہ پاکستان نے پچاس ممالک کی طرف سے پیش کیا۔

اعلامیے میں مقبوضہ کشمیر کی صورت حال پر گہری تشویش کا اظہار کیا گیا اور بھارت سے کہا گیا ہے کہ مقبوضہ کشمیر میں بنیادی انسانی حقوق کا احترام کیا جائے، کرفیو فوراً اٹھایا جائے، ذرائع مواصلات بحال کیے جائیں، حراست میں لیے گئے لوگوں کو فوراً رہا کیا جائے۔

ترجمان دفتر خارجہ کے مطابق نہتے کشمیریوں کے خلاف طاقت کا بالخصوص پیلٹ گنز کا استعمال بند کیا جائے، عالمی میڈیا اور انسانی حقوق کی تنظیموں کو مقبوضہ کشمیر تک رسائی دی جائے۔ مسئلہ کشمیر کو اقوام متحدہ کی سلامتی کونسل کی قراردادوں کے مطابق حل کیا جائے۔

قومی خبریں سے مزید