آپ آف لائن ہیں
جنگ ای پیپر
جمعہ 18؍ صفر المظفّر 1441ھ 18؍ اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

طاہر علی نے یکجہتی کشمیر مارشل آرٹ ٹرافی جیت لی

 طاہر علی خان نے عمدہ کارکردگی کا مظاہرہ کرتے ہوئے یکجہتی کشمیرمارشل آرٹ ٹرافی جیت لی۔

یوم دفاع و یکجہتی کشمیر کے حوالے سے جم انٹرنیشنل ڈی ایچ اے میں ہونے والی چیمپئن شپ میں 50 سے زائد کھلاڑیوں نے اپنے فن کا مظاہرہ کیا۔ اس موقع پر دلچسپ مقابلے ہوئے جس میں طاہر علی خان کو گولڈ میڈل دیا گیا۔

فٹنس ٹریننگ کرنےو الے کھلاڑی شیخ معیز یعقوب، ذیشان، نبراس ملک، کاشف منصور، احمد صدیقی اور دیگر کو انعامات اور سرٹیفکیٹ دیئے گئے۔

اختتامی تقریب میں رستم سکھر ریسلر نظیر احمد سومرو مہمان خصوصی تھے،انہوں نے کھلاڑیوں میں انعامات تقسیم کئے۔

اس موقع پر ان کا کہنا تھا کہ کھیلوں کا انعقاد تو ایک ذریعہ ہے، اصل مسئلہ، مقبوضہ کشمیر پر بھارتی یلغار ہے، بھارت کے اس عمل پر پوری پاکستانی قوم اٹھ کھڑی ہوئی ہے،کھلاڑی بھی اس احتجاج میں بھرپور طریقے سے شامل ہیں۔

جیم کی روح رواں ثناء نظیر نے چیمپئن شپ کو کشمیریوں کے نام کرتے ہوئے کہا کہ ہم کشمیری بہن بھائیوں کے ساتھ ہیں، جس طرح ممکن ہوا انکی مدد کریں گے۔

کھیلوں کی خبریں سے مزید