کراچی(اسٹاف رپورٹر) پاکستان ہاکی فیڈریشن نے قومی سنیئر ہاکی ٹیم کے ساتھ شیڈول تین میچوں کی سیریز کے لئے قومی جونیئر ہاکی ٹیم کا اعلان کردیا ہے ، البتہ کپتان کی تقرری نہیں کی گئی ہے ۔ پی ایچ ایف نے ایک روز قبل30 مارچ کو ہونے والے دوسرے میچ کو خوشاب میں کرانے کا اعلان کیا تھا مگر جمعے کو اس میچ کو لاہور منتقل کردیا ۔ پہلا میچ 29 مارچ کو سر گودھا اور تیسرا 31مارچ کو لاہور میں کھیلا جائے گا، اعلان کردہ کھلاڑیوں میں منیب الرحمان، علی رضا، رومان، حافظ علی عمیر اور عثمان غنی ( گول کیپرز)، عاطف مشتاق،حسن انور، زاہد اللہ، فیصل شاہ اور عابد بھٹی (فل بیکس)، ابوبکر محمود، فیضان، ایم جنید کمال،ایم عثمان، ایم قاسم اور علی رضا( ہاف بیکس) شان ارشاد، اظفر یعقوب، محمد دلبر، محمد عتیق، ایم بلال قادر، محسن صابر، رانا سہیل، فہداللہ، سمیع اللہ، عامر علی، ایم شہریار، ایم رضوان، بلال محمود، محمد نوید، سارن بن قمر ، خیر اللہ اور ذیشان بخاری ( فارورڈز) شامل ہیں۔
فرمان الہی
نماز کے اوقات
