آپ آف لائن ہیں
جمعرات17؍ذیقعد 1441ھ9؍جولائی2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

حکومت کا پٹرولیم مصنوعات کی قیمتیں برقرار رکھنے کافیصلہ

حکومت نے پٹرولیم مصنوعات کی قیمتیں برقرار رکھنے کا فیصلہ کیا ہے۔

آئل اینڈ گیس ریگولیٹری اتھارٹی (اوگرا) نے ماہ اکتوبر کے لئے پیٹرولیم مصنوعات کی قیمتوں میں کمی کی سفارش کی تھی۔

ذرائع کے مطابق اوگرا کی جانب سے پٹرولیم ڈویژن کو بھیجی گئی سمری میں پٹرول کی قیمت پر 2 روپے 55 پیسے فی لیٹر کمی کی سفارش کی گئی تھی۔

ذرائع کے مطابق اوگرا نے اکتوبر کے لیے لائٹ ڈیزل آئل کی قیمت میں 2 روپے 41 پیسے اور ڈیزل کی قیمت میں 3 روپے 23 پیسے فی لیٹر کمی کی سفارش کی تھی۔

وزارت خزانہ نے اکتوبر کے لیے پٹرولیم مصنوعات کی قیمتیں برقرار رکھنے کا فیصلہ کیا ہے،اس حوالے سے نوٹیفکیشن جاری کردیا ہے۔

نوٹیفکیشن کے مطابق قیمتیں برقراررکھنے کا فیصلہ عالمی منڈی میں پیٹرولیم مصنوعات کی قیمتوں میں اضافے کے رجحان کے باعث کیا گیا ہے۔

تجارتی خبریں سے مزید