شیخوپورہ(نمائندہ جنگ)شہر اور اسکے نواحی علاقوں میں ڈکیتی ، چوری، راہزنی و نقب زنی کی وارداتیں جاری ہیں ، سرگودھا روڈ پر اڈہ فاروق آباد میں تین ڈاکو تاجر سید حسن طارق کی دکان پر آکر اس سے پانچ موبائل فون اور چھ ہزار روپے چھین کر فرار ہوگئے، ونڈالہ دیال شاہ کے قریب دو ڈاکو محنت کش کرم الٰہی سے موٹر سائیکل ، موبائل فون اور 45سو روپے چھین کر فرار ہوگئے، گائوں کلہ ورکاں میں چار افراد نے محنت کش محمد عابد سے اس کی ٹریکٹر ٹرالی کے علاوہ موبائل فون چھین لیا، سرحدی علاقہ جیتو گالہ میں دو ڈاکو نوجوان شاہد محمود سے موٹر سائیکل اور 23ہزار روپے چھین کر فرار ہوگئے جبکہ قریبی علاقہ پنڈوریاں میں تین ڈاکوئوں نے نوجوان طاہر کو موبائل فون اور ضروری کاغذات سے محروم کردیا، چک نمبر 32میں دو ڈاکو محنت کش محمد اقبال سے 10ہزار روپے اور موٹر سائیکل چھین کر فرار ہوگئے، کالا شاہ کاکو کے قریب تین ڈاکو نوجوان مبشر وسیم سے ایک لاکھ تین ہزار روپے چھین کر فرار ہوگئے، لاہور روڈ کی آبادی منڈیالی میں تین ڈاکوئوں نے مقامی شہری محمد بشارت کو موبائل فون اور جیب میں موجود کیش سے محروم کردیا، شرقپور خورد میں تین ڈاکوئوں نے محمد بوٹا سے 23ہزار روپے نقدی اور موبائل فون جبکہ فیروزوالہ کے علاقہ رانا ٹائون میں دو ڈاکوئوں نے صفدر حسین سے موٹر سائیکل اور موبائل فون و نقدی چھین لی، ڈاکوئوں نے کوٹ عبدالمالک میں واقع ایک موبائل سنٹر میںداخل ہو کر اس کے مالک عامر جمیل کو جان سے مار دینے کی دھمکی دے کر لوٹ لیا ڈاکو ایک لاکھ روپے کی رقم 6موبائل لوٹ کر لے گئے ۔ گل فشاں ٹائون میں بھی ڈاکوئوں نے دکاندار رضوان کو لوٹ لیا اور اس سے 45 ہزار روپے کی رقم اور موبائل فون چھین کر لے گئے ، پولیس مصروف تفتیش ہے۔
فرمان الہی
نماز کے اوقات
