• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی اسلام آباد میں مو سلادھار بارش،آج مزید امکان

میرا شہر
اسلام آباد
04 اکتوبر ، 2019
اسلام آباد (اپنے نامہ نگار سے ) راولپنڈی اسلام آباد سمیت مضافات اور ملک کے بعض دیگر مقامات پر جمعرات کو بارش ہوئی ، اس دوران جڑواں شہروں میں بعض مقامات پر موسلا دھار بارش ہوئی جس سے جل تھل ایک ہو گیا ، راولپنڈی میں دن کو تعلیمی اداروں میں چھٹی کے اوقات بارش ہوئی جس سے طلبہ کو گھروں کو جانے میں شدید مشکلات کا سامنا کرنا پڑا، اس دوران راولپنڈی کی مختلف شاہراہوں پر پانی جمع ہو گیا، بعض سڑکیں تالاب کی شکل اختیار کر گئیں ، اس دوران شہر اور کینٹ کی مختلف شاہراہوں پر ٹریفک بری طرح سے جام ہو گئی، محکمہ موسمیات کے مطابق آئندہ چوبیس گھنٹوں کے دوران راولپنڈی اسلام آباد سمیت دیگر مقامات پر کہیں کہیں ، جبکہ مظفر آباد سمیت کشمیر اور گلگت بلتستان میں گرج چمک کیساتھ بارش کا امکان ہے۔
تازہ ترین