ترکی کو دھمکی دینے والے ٹرمپ نے اردوگان کو پارٹنر قرار دیدیا

08 اکتوبر ، 2019

امریکی صدر ٹرمپ نے یو ٹرن لیتے ہوئے شام کے معاملے پر ترکی کو معاشی تباہی کی دھمکی دینے کے بعد اب ترک صدر طیب اردوگان کو امریکا کے دورے کی دعوت دے ڈالی۔

صدر ٹرمپ نے ٹوئٹ کیا ہے کہ ترک صدر 13 نومبر کو امریکا بطور اُن کے مہمان آئیں گے۔

صدر ٹرمپ نے ٹوئٹ میں مزید کہا کہ لوگ بھول جاتے ہیں کہ ترکی امریکا کا بڑا تجارتی ساتھی ہے اور امریکہ کے ایف 35 فائٹر جیٹ کے لیے اسٹیل کا ڈھانچہ تیار کرتا ہے۔

انھوں نے یاد دلایا کہ ترکی نیٹو کا اہم اور فعال رکن ہے، ترکی سے معاملات طے کرنے کا تجربہ اچھا رہا ہے اور ترکی نے شامی صوبے ادلب میں بہت سی جانیں بچانے میں مدد کی ہے۔

امریکی صدر نے مزید کہا کہ اُن کی درخواست پر ترکی نے امریکی عسیائی پادری برنسن کو اچھی صحت کے ساتھ قید سے رہا کیا، حالانکہ سزا پوری ہونے میں ابھی کئی سال باقی تھے۔

تازہ ترین