شیخوپورہ (نمائندہ جنگ سے) شہر کی آبادی رام گڑھا مدینہ پارک میں پینے کے پانی میں گٹروں کا پانی مکس ہونا شروع ہوگیا جس کے باعث اس علاقہ میں شہریوں میں پیٹ اور جگر کے امراض بڑھ گئے ہیں مدینہ پارک کے سماجی کارکن محمد حسین کی درخواست پر ایڈمنسٹریٹر تحصیل کونسل رائو ریاض اعجاز خان نے ہدایت جاری کی ہے کہ اس علاقہ میں فوری طور پر پانی کی سپلائی کا نظام شفاف بنایا جائے دریں اثناء محلہ آرائیانوالہ کا علاقہ گلی میاں قاسم والی میں بھی سیوریج سسٹم بند ہو جانے کی بنا پر گندہ پانی گھروں میں داخل ہونا شروع ہوگیا ہے اور علاقہ میں تعفن پھیل گیا ہے اس علاقہ کے مکینوں کی شکایت پر ٹی ایم اے کے حکام نے ڈسپوزل ورکس کے عملے کو ہدایت جاری کی ہے کہ فوری طور پر اس علاقے میں سیوریج سسٹم کو چالو کیا جائے
فرمان الہی
نماز کے اوقات
