آپ آف لائن ہیں
جنگ ای پیپر
پیر 20؍ربیع الاوّل 1441ھ 18؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

کراچی میں 3 دن کیلئے سرکاری ہائیڈرنٹ بند

کراچی واٹر بورڈ حکام نے شہر میں 3 دن کے لیے تمام سرکاری ہائیڈرنٹ بند رکھنے کا اعلان کرتے ہوئے آج سے 72 گھنٹوں کے لیے شہر میں پانی کی فراہمی بند رکھنے کا اعلان کر دیا۔

ترجمان واٹر بورڈ کے مطابق دھابیجی پمپنگ اسٹیشن پر مرمتی کام کی وجہ سے بدھ سے شہر کو پانی کی فراہمی بند ہو جائے گی جس کی وجہ سے 3 دن تک تمام سرکاری ہائیڈرنٹ بھی بند رہیں گے۔

ایم ڈی واٹر بورڈ انجینئر اسد اللّٰہ خان نے شہریوں کو مشورہ دیا ہے کہ وہ کسی بھی قسم کی پریشانی سے بچنے کے لیے پانی ذخیرہ کرلیں اور احتیاط سے استعمال کریں۔

ترجمان کا بتانا ہے کہ کراچی کو فراہمیٔ آب کی بہتری کے لیے واٹر بورڈ کے دھابیجی پمپنگ اسٹیشن پر کیے جانے والے امور کی انجام دہی کے کام کا آغاز بدھ 16 اکتوبر کو صبح 11 بجے کیا جائے گا، جبکہ اس دوران کے الیکٹرک کی جانب سے بھی گرڈ اسٹیشن کے مرمتی کام سرانجام دیے جائیں گے۔

واٹر بورڈ کا کہنا ہے کہ کراچی کو دھابیجی کے 13پمپس سے پانی کی فراہمی معطل رہے گی جبکہ دیگر 8 پمپس معمول کے مطابق پانی فراہم کرتے رہیں گے۔

حکام کے مطابق شہریوں کو پریشانی سے بچانے کے پیش نظر مرمتی کام کو وقت مقررہ سے قبل مکمل کرنے کی کوشش کی جائے گی، تاہم شہری آئندہ 72 گھنٹوں کے لیے پانی احتیاط سے استعمال کریں۔

واضح رہے کہ واٹر بورڈ ذرائع کا کہنا ہے کہ مرمتی کام کے بعد جب دھابیجی پمپنگ اسٹیشن کو کھولا جائے گا تو فراہمیٔ آب کو معمول پر آنے میں بھی کافی وقت لگے گا۔

قومی خبریں سے مزید