اسلام آباد......وفاقی وزیرِ داخلہ چوہدری نثار سے ایرانی ہم منصب کی ملاقات ہوئی ہے، پاک ایران وزرائے داخلہ ملاقات میں دو طرفہ تعلقات سمیت را کے ایجنٹ کی گرفتاری اور ابتدائی تحقیقات کے نتیجے میں سامنے آنے والے حقائق پر بات چیت کی گئی۔
وزیرِداخلہ چوہدری نثار علی خان اوران کےایرانی ہم منصب عبد الرضا رحمانی فضلی کےمابین اسلام آبادمیں ملاقات ہوئی ،اس موقع پردو طرفہ تعلقات،سیکیورٹی کی شعبے میں باہمی تعاون کو مزید وسعت دینے سمیت مشترکہ بارڈ کی بہتر اور مؤثر نگرانی کیلئےاقدامات اور منظم جرائم سے متعلق امور پر تبادلہ خیال کیا گیا۔
ملاقات میں منشیات اور انسانی سمگلنگ کی روک تھام کے سلسلے میں معاونت ،انٹیلی جنس معلومات کے تبادلے پر بھی غور کیا گیا۔
پاک ایران وزرائے داخلہ نے را کے ایجنٹ کی گرفتاری اور ابتدائی تحقیقات کے نتیجے میں سامنے آنے والے حقائق پر بات چیت کی۔
فرمان الہی
نماز کے اوقات
